Tre persona janë plagosur gjatë një konlfikti me armë në Durrës. Ngjarja ka ndodhur në një lokal në lagjen numër 11 të këtij qyteti, ku janë përplasur dy grupe kundërshtare. 4 persona janë përfshirë në një debat mes tyre dhe në debat e sipër, njëri ka nxjerrë armën duke qëlluar. Ndërkohë shoku i tij ka qëlluar me thikë dy persona të tjerë.
Policia ka njoftuar për plagosjen e tre personave, dy prej të cilëve me thikë dhe një tjetër me armë zjarri. Të plagosurit me thikë janë Ervin Qerimi dhe Eloert Hoxha ndërsa i plagosuri me armë është Elvis Kurti.
