Falë këtyre përgjimeve është mundësuar kapja në flagrancë e 593 persona të dyshuar për vrasje, trafikim të lëndëve narkotike, korrupsion, trafikim të armëve
4099 persona janë përgjuar përgjatë vitit 2015. Me kërkesë të Prokurorisë janë dhënë 1445 vendime përgjimesh. Rapoerti vjetor I Prokurorisë i dorëzuar në Kuvend evidenton shifrat. Prokuroria sqaron përmes raportit se falë këtyre përgjimeve është bërë e mundur të kapen në flagrancë 593 persona të dyshuar për vrasje, trafikim të lëndëve narkotike, korrupsion, trafikim të armëve dhe të tjera vepra penale.
Ndërsa në disa raste të dhënat e përfituara gjatë përgjimeve , është mundësuar regjistrimi i procedimeve penale të tjera kryesisht për korrupsion të personave që kryejnë funksione publike. Numrin më të madh te aplikimit të përgjimeve e ka Prokuroria për Krime të Rënda, ku rezultojnë 859 vendime të kërkuara nga kjo prokurori për 164 procedime penale. Prioritet i punës se prokurorisë për vitin 2015 ka qene lufta kunder korrupsionit, ku ka një rritje me 49 % .
Për vepren penale të “korrupsioni aktiv i gjyqtarëve,v prokurorëve dhe funksionarëve të tjerë të drejtësisë”, organi i prokurorisë për vitin e kaluar ka regjistruar 7 procedime me 9 të pandehur. Ndërsa per “korrupsioni pasiv i gjyqtarëve, prokurorëve dhe funksionarëve të tjerë të drejtësisë” prokuroria ka regjistruar 25 procedime penale me 9 të pandehur.
