Lidhur me situatën e krijuar në pikat e kalimit kufitar për në Greqi, Policia e Shtetit ka sqaruar se që prej mbrëmjes së djeshme, sistemi kompjuterik i palës greke ka shfaqur probleme teknike deri në bllokimin e plotë të tij.
Sistemi kompjuterik është bllokuar, jo vetëm në kufirin me Shqiperinë, por edhe me shtetet e tjera si me Maqedoninë, Turqinë dhe Bullgarinë.
“Pala greke pretendon se deri sot pasdite ky defekt të rregullohet dhe të filloje lëvizja e qytetarëve me funksionimin normal të sistemit”, sqaron policia.
Policia Kufitare ka kërkuar mirëkuptimin e qytetarëve dhe të drejtuesve të mjeteve që të mos dynden në pikat e kalimit duke krijuar radhë e konfuzion.
