Ish-ministri i Financave dëshmon në komisionin hetimor për serverin e Tatimeve
Ish-ministri i Financave, Shkëlqim Cani i sygjeron pasardhësit të tij në këtë detyrë, të vazhdojë hetimet për vjedhje në serverin e tatimeve duke shprehur bindjen se një gjë e tillë ka ndodhur. Cani raportoi sot në komisionin hetimor për serverin e Tatimeve ku është përballur me deputetin demokrat Arben Ristani. Ish-kreu i Financave tha se kishte pasur informacione nga Drejtoria e Tatimeve se ishin bërë ndërhyrje në Sistem. “ Kisha sinjalizimi nga Drejtoria e Tatimeve se janë bërë ndërhyrje në sistem. Kam zbatuar pikë për pikë rregullat që përcakton ligji për auditin në gjitha procedurat”, është shprehur Cani.
Më pas Cani i është përgjigjur pyetjeve të Ristani, se kush e përcaktoi shortin për audituesit dhe pse u morën ekspertë të jashtëm. “Po! Këtë të drejtë ma jepte neni 17 i ligjit për auditimin, dhe ne morëm ekspertë të jashtëm pasi Ministria nuk ka të specializuar për këtë çështje. Kam bindjen se ka vjedhje. I sugjeroj ministrit të ri të nisë sërish auditin pas mbylljes së hetimit”, për deputetin Ristani, është vepruar në shkelje të ligjit. Për këtë Cani është përgjigjur: “Pse ka shqetësim për grupit të auditimit, kur konstatohen ndërhyrje. Zgjodha praktikën për të sqaruar urgjentisht situatën me risk të lartë. Opozita po i jep mbrojtje politike vjedhjes”, ka thënë Cani.
