Mjegulla kishte mbuluar sot Tropojën, ndërsa shtatorja e Azem Hajdarit u përjetësua pikërisht në qytetin ku ai lindi.
“Vrasja e shekullit” e ka cilësuar Kadare ekzekutimin e udhëheqësit të Lëvizjes Studentore të dhjetorit 1990, që çoi në përmbysjen e regjimit komunist në Shqipëri.
Që prej vitit 1997 ndaj tij u bënë shumë atentate, por një nga themeluesit e Partisë Demokratike, s’mundi t’i mbijetojë plumbave që mori më 12 shtator të 1998-ës pikërisht para selisë së kësaj partie.
Në ceremoninë e inagurimit të shtatores të Azem Hajdarit të zhvilluar sot në Tropojë kanë marrë pjesë miq e familjarë por edhe shumë figura të Partisë Demokratike e të politikës shqiptare. Mes tyre Sali Berisha, Lulzim Basha, Monika Kryemadhi, etj.
