Një fotografi e kryeministrit hollandez në Pallatin Mbretëtor ka pushtuar rrjetin, kurse shkaku është i admirueshëm.
Mark Rutte, i cili udhëheq Hollandën që nga viti 2010, ka udhëtuar me biçikletë drejt Pallatit Mbretëror, pasi kishte një takim.
Në fotografi duket kreu i qeverisë, teksa parkon biçikletën pak metra larg tapetit te kuq në oborrin e survejuar nga rojet.
Hollanda, një vend që ka mbi 17 milionë banorë ka më shumë biçikleta se njerëz.
Prej shumë dekadash biçikleta është mjeti më i përdorur nga hollandezët, ndërsa kryeministri njihet për përdorimin e shpeshtë të saj në vend të makinave antiplumb. Në këtë mënyrë ai tregon përulje para popullit që e ka zgjedhur, megjithëse vendi që drejton është nga më të pasurit në botë.
