Napoli nuk e lëshoi kryesimin e Serie A këtë fundjavë pas barazimit 0-0 ndaj Interit.
Pjesa e parë pati një ritëm të jashtëzakonshëm, me Napolin që kërkonte të kontrollonte lojën dhe zikaltrit që zbrisnin shpejt në kundërsulm. Edhe pjesa e dytë pati të njëjtën tablo, por këtë herë skuadrat ishin më të kujdesshme në prapavijë, sepse frika nga humbja ishte më e madhe se dëshira për fitore.
Handanovic u bë disa herë shpëtimtar i portës së miqve ndërsa edhe në skajin tjetër, Ikardi kishte në këmbë rastin që mund ti sillte Interit 3 pikët.
Megjithatë në fund dy ekipet ndanë nga një pikë duke vazhduar të ruajnë vendet e tyre në renditje, por me nga një pikë më tepër, konkretisht 25 për napolitanët dhe 23 për zikaltrit. Juventus dhe Lazio plotësojnë 4-shen e parë të renditjes, me nga 19 pikë secila.
