Saimir Tahiri ka dalë në një konferencë urgjente pak minuta më parë pasi mediat italiane publikuan përgjimet e Habilajve që trafikonin drogë e që e implikuan emrin e tij.
Tahiri s’ka kërkuar gjë tjetër veçse të zbardhet e vërteta.
“E kuptoj shumë mirë, por ndoshta sot më shumë se kurrë secili që më njeh, e kushdo që më ka takuar të paktën dhe njëherë, është ui shtangur nga lajmet dhe sidomos nga përfshirja e emrit tim.
Me dashje apo keqdashje të gjithë presin përgjigje prej meje. I falënderoj të gjithë ata që më kanë shkruar e kontaktuar. Ata që kanë punuar e besuar tek unë. Sic kuptoj dhe kundërshtarët, të cilët për herë të parë dhe të fundit sot as do i akuzoj dhe as do i kundërshtoj, sepse sot është dita e tyre sot, të shfrytëzojnë pallavrat e dy kriminelëve, në një veprimtari kriminale që e kam luftuar cdo ditë të punës sime. Jam rritur me prindërit e mi dhe sot rris tim bir, duke besuar te e vërteta. Sado e madhe qoftë gënjeshtra, e vërteta është aty. Sikur ta besojnë gënjeshtrën miliona vetë, e vërteta vlen më shumë. Kam mbajtur detyrën e ministrit dhe nuk jam dorëzuar përballë sulmeve. Kam luftuar cdo ditë me cdo fuqi timen, për të vërë detyrën“, është shprehur Tahiri.
