Policia e Shkodrës ka arrestuar një person dhe një tjetër po procedohet në gjendje të lirë në sajë të një operacioni të koduar “Doses” pasi janë kapur me kokainë, armë zjarri dhe municion luftarak.
Në pranga ka përfunduar shtetasi Anton Shpatina, 35 vjeç, banues në lagjen Naim Gjylbegu, Shkodër.
Arrestimi i Anton Shpatina u bë në banesën e tij pasi gjatë kontrollit të ushtruar në banesën e Anton Shpatina ju gjet dhe u sekuestruan në cilësinë e provës materiale 11 doza lëndë e dyshuar narkotike kokainë, një armë zjarri me fishekë, 9 telefona celularë dhe disa kartëmonedha me vlera të ndryshme.
Materialet proceduriale iu referuan Prokurorisë Pranë Gjykatës së Shkallës së Parë Shkodër për veprën penale “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit”.
