Gentiana Sula, drejtuese e Autoritetit të Hapjes së Dosjeve, e ftuar në emisionin “Mirëmëngjes Shqipëri”, të gazetarit Enkel Demi në TVSH është shprehur se ka shumë të vërteta të varrosura në dosje që duhen zbardhur.
“Ka ngjarje të rëndësishme të kombit të cilat nuk njihen. Ka të vërteta të varrosura që do na ndihmojnë të konceptojmë zhvillimin e vendit”, u shpreh Sula.
Sa i përket përfshirjes së eksponentëve të politikës apo mediave në dosjet e sigurimit të shtetit, Sula tha se mund të hetohet vetëm nëse ka një kërkesë, pra nuk mund të shqyrtohen automatikisht nga ky organ.
Ajo u shpreh se janë rreth 700 persona që kanë kaluar në sitën e verifikimit që prej krijimit të këtij institucioni.
“Në Hunmgari ligji i ngjashëm është i till që institucioni si ne, homologu jonë, ata në momentin që ka kandidatë të caktuar për detyra të caktuara nuk presin kërkesë por kanë për detyrë të bëjnë verifikim dhe ta publikojnë. Gjë që ne nuk e kemi”, ka deklaruar Sula.
https://youtu.be/Rw5PxsAtKW8?list=PL0XoaVRW0j7APjJx1pJTjEwx1RaT-JWof
