Ngrihet barrikada me krevate e dysheke në rrugën ku do të kalonin fadromat e INUK, gjatë përplasjeve me policinë një protestuese humbi ndjenjat
Banorët e shtëpive në zgjatimin e bulevardit tentuan sot të ndalojnë fadromat e IKMT-së të cilat kanë nisur të prishin banesat e tyre. Banorët janë përplasur me policinë duke ndaluar mjetet që nisën prishjen e shtëpive të tyre. Banorët e zonës ku po ndërtohet zgjatimi i Bulevardit të Tiranës protestojnë kundër prishjes së shtëpive të tyre, me pretendimin se nuk janë dëmshpërblyer me çmimin e tregut.
Banorët i bënë barrikadë fadromave të IKMT-së duke bllokuar rrugën. Ata kanë nxjerrë në rrugë krevate dhe dyshekë për të bllokuar kalimin e mjeteve që do të prishin banesat e tyre. Gjatë përplasjeve mes banorëve dhe policisë, një grua ka humbur ndjenjat ndërsa banorët janë shprehur të vendosur se nuk do të lejojnë prishjen e shtëpive të tyre pa u plotësuar kushtet që i kërkojnë bashkisë Tiranë.
