Në Krujë të prekurit me koronavirus po shtohen dita ditës. Vetëm këtë të hënë rezultuan 8 të infektuar.
Nëse deri dje burim infeksioni ishte një fasoneri, rastet e fundit nuk dihen se nga e kanë marrë virusin.
Drejtoresha e spitalit të Krujës, Yllka Cukalaj në një intervistë për ABC News është shprehur se infeksioni është përhapur nga pakujdesia e treguar nga qytetarët.
“Mund të merrni informacione tek njësia vendore. Ne i japim shërbim çdo personi. Nën kontroll. Shkaqet duhet t’i kërkoni tek njësia qendrore. Për rastet e hetuara njerëzit duhet të jenë të kujdesshëm, të mbajnë maska. U shtuan ngaqë menduan se u largua”, shprehet ajo.
Ky shqetësim ngrihet dhe nga zyra e konsumatorit në Krujë.
“Me lehtësimin e masave nga qeveria, normalisht me protokoll. Është shpërdoruar kjo liri. Po të shohësh lokalet janë plot. I bëj thirrje qytetarëve mbroni veten. Kjo liri është problem përballë armikut të padukshëm. Është momenti të mbroni veten. Ka gjasa, Kjo shturje. Tani u duket. Sikur ka përfunduar. Është armik i cili është globalisht në të gjithë botë, po bëjnë thirrje çdo ditë”.
