Nga Kristian Kina
1. Sigurohet zhvillimi i një palë zgjedhjeve demokratike dhe ekzistenca e pluripartitizmit, tiparin kyc që e bën një shtet të quhet ” demokratik” dhe e diferencon nga një regjim monopartiako- diktatorial.
2. Siguron paqen sociale dhe eleminon çdo mundësi për konflikt civil e vëllavrasje. Qytetarët do të jenë të lirë dhe të qetë të shprehin vullnetin e tyre për cilëndo alternativë ku ata gjejnë veten dhe parimet e tyre.
3. Garanton të drejtën e lire të votës, pa i intimiduar dhe segmentuar qytetarët si të njërës palë apo tjetrës, vetëm për faktin nëse shkojnë apo jo në votime. E drejta për një votë të lirë e të fshehtë është një e drejtë themelore e njeriut, e në 30 Qershor ajo nuk garantohet më. Këto ditë, të gjithë kemi qënë në dijeni të presioneve që u janë bërë punonjësve të administratës për “ngjyrën e gishtit” të hënën në mëngjes.
4. Vendos hapësirën për një dialog konstruktiv midis të gjitha palëve, për të gjetur KONSENSUS, me anë të tolerimit paksa nga pretendimet e tyre, për hatër të një interesi më të gjerë, interesin kombëtar.
5. Nuk e rendit Shqipërinë si një ndër vendet moniste me një parti-shtet, që bën zgjedhje vetëm për një parti-shtet. Mendoni se BE do të pranojë në rrethin e saj një shtet që nuk ka opozitë legjitime dhe bën zgjedhje – referendum? Pra, me pak fjalë i bie që pritjet, ëndrrat, shpresat, sakrificat, luftën që kemi bërë për 30 vjet rresht, ta hedhim poshtë vetëm për një ditë? A ja vlen barra qeranë?
6. Nëse maxhoranca është e bindur për fitore duke u bazuar në fuqinë e numrave dhe simpatinë e qytetareve, a do fitojë dhe në datë 13 Tetor ? Po patjetër, qytetarët janë po të njëjtët. Fitorja është përsëri e garantuar për ta siç do të ishte (sipas tyre) dhe në datë 30 Qershor.
7. Opozitës i “ulet koka ” përfundimisht nëse dhe këtë herë dështon të dalë fituese në zgjedhje. Madje, Rama del i fituar sepse i shtohet argumenti dhe pushteti, njëlloj apo dhe më shumë akoma sesa në rastin kur do fitonte zgjedhje i vetëm, pa konkurrentë. Do legjitimohej, konsolidohej akoma më shumë, do dilte fitimtar dhe tolerant.
8. Fiton qytetaria, toleranca, pjekuria, maturia, jepet mesazhi se me të vërtetë politika mendoka për popullin (meqe akuzohet për të kundërtën këto 30 vjet).
Fiton harmonia, dialogu, bashkëjetesa dhe jo ndasia politike.
Në fund, fiton Shqipëria ! ??
