Kreu i Partisë Demokratike, Lulzim Basha ka deklaruar se mësuesit shqiptarë në këto 4 vite të qeverisë Rama nuk kanë pasur asnjë përkrahje të vërtetë shetetërore.
Në festën e “7 marsit” Basha zhvilloi një bashkëbisedim me mësuesit në çadrën e protestës, ku theksoi se buxheti i Rilindjes është më regresivi që Shqipëria ka patur.
“Po qe për llafe, mësuesi i hartimit të Ramës duhet të marrë medalje ari. 4 vite më parë u premtua rritja e buxhetit për arsimin. Sot, buxheti i Rilindjes është më regresiv që Shqipëria ka patur. Rrogat e mësuesve janë në vend numëro“, tha Basha.
Basha dha dy premtime të forta të cilat u zotua t’i mbajë brenda mandatit të parë të asaj që ai e quan “Republika e Re”.
Kreu i opozitës premtoi se ai do të kryente një investim robust në infsrastrukturën arsimore, duke u siguruar nxënësve pas mësimit drekën në shkolla si dhe kurse kulture, linguistike e sportive.
Premtimi tjetër që ai bëri ishte se nëse zgjidhej kryeministër në fund të katër viteve do të dyfishonte pagën e mësuesve.
