Nxënësit dhe mësuesit në mbarë vendin festojnë sot ditën e 7 marsit. Përmes një letre drejtuar secilit mësues, Ministerja e arsimit, Lindita Nikolla, përcolli urimin e saj.
“Si drejtuese e arsimit e di se Ti meriton edhe më shumë mbështetje. Vendosja e sistemit të ri të emërimit përmes portalit “Mësues për Shqipërinë”, është një pikë e rëndësishme kthese, por ende kemi shumë për të bërë. Vijojmë me një skemë të re kualifikimi, pasi, siç Ti e di, vlerësuam nevojat e secilit prej jush me një testim kombëtar. Jam shumë e vendosur për të luftuar korrupsionin dhe larguar politikën nga shkolla, por më duhet edhe ndihma jote”, shkruan ndër të tjera Nikolla.
Kryeministri Rama uroi nga Shkodra mësuesit në ditën e festës së tyre ndërsa Kryetari i Partisë Dekomratike Lulzim Basha tha se në tre vitet e fundit nuk është ndërtuar asnjë shkollë e re, por ajo që është më shqetësuesë për kryeopozitarin, është fakti se sot është rritur krimi në shkolla, dhe mësuesit sot janë më të rrezikuar se asnjeherë. Basha premtoi se me të ardhur në pushtet do të zhbëjë ligjin e qeverisë për arsimin e lartë.
