Një 63- vjeçar në Elbasan ka tentuar të vrasë veten me thikë.
Burime zyrtare nga policia bëjnë me dije se pasditen e sotme rreth orës 15:50, ka shkuar për ndihmë mjekësore në urgjencën e spitalit Elbasan, personi i identifikuar me iniciale R. Ç., 63 vjeç, banues në lagjen “11 Nëntori”, i cili dyshohet se në gjendje të dehur, ka dëmtuar veten, me mjet të mprehtë (thikë).
Nuk dihet ende gjendja shëndetësore e të moshuarit. Pritet të zbardhen detaje pas marrjes në pyetje të familjarëve të të moshuarit.
Grupi hetimor po punon për sqarimin e rrethanave të ngjarjes.
