Nga Serjan Mazrreku
Të nderuar dhe të respektuar Anëtarë të Këshillit Bashkiak të Durrësit, në mënyrë njerëzore, qoftë një moment, lërini pazaret politike dhe miratoni buxhetin e vitit 2018 për mbikalimin në zonën e ish-kënetës “Durresi Ri” ku rrezikojnë jetën 600 fëmijë, nxënës që çdo ditë duhet të kalojnë në rruge të rrezikshme për të shkuar ne shkollë! Kush nga ju ka fëmijë e di shumë mirë ç’do të thotë të kesh një dhimbje fëmije të vdekur rrugëve dhe me e dhimbshmja ështe kur një fëmijë vdes për fajin e dikujt tjetër.
Nëse femijët nisen për në shkollë dhe nuk kthehen më sepse pësojnë nje vdekje aksidendale për faj të mungesës së një mbikalimi kjo është e papranueshme. Jeta e këtyre fëmijëve ka vlerën e 1000 mbikalimeve!
Ju bëj thirrje që ta keni pikë të parë këtë mbikalim pasi banorët janë shumë të revoltuar dhe disa herë unë kam shmangur protesta të kërkuara nga vetë ata, por me ankesat që po më vijnë dita ditës në zyrën time, e ndjej veten në përgjegjësi dhe përgjegjësia bie mbi të gjithë ju anëtarët e Këshillit Bashkiak, sepse këta banorë s’po kërkojnë asgjë me tepër sesa sigurimin e jetës së fëmijëve të tyre.
Dhe ne e kemi për detyrim t’ju shërbejmë!
https://www.facebook.com/serjan.mazrreku/posts/10210929337329338
