Kryetari Bashkisë Vlorë, Ermal Dredha bën më shumë tendera për mirëqenien e tij se sa në interes të qytetarëve. Në këto muaj i ka ndryshuar mobiljet, ka blerë dhe riparuar makinat, ka siguruar karburant, ndërsa tani i duhen kompjuterë të rinj për zyrën.
Më datë 22 nëntor 2023, Dredha ka shpallur të hapur garën për tenderin me objekt “BLERJE PAJISJE ELEKTRONIKE”. Sipas dokumenteve paraprake do të blihen 45 kompjuterë të rinj, printer dhe skaner. Me pak fjalë Dredha dhe stafi i tij duan pajisje më të sofistikuara për të hartuar projekte si ky që po flasim. Kjo tekë e kryetarit kushton 60 milionë lekë (pa TVSH).
Gara është planifikuar të zhvillohet më datë 14 dhjetor 2023, pra të interesuarit kanë edhe 10 ditë kohë për të dorëzuar ofertat. Por, kjo qenka disi e pamundur, pasi hartimi i kritereve nuk lë vend për konkurrencë.
Të paktën kështu thuhet në një nga denoncimet e bëra në Komisionin e Prokurimeve Publike për këtë tender. Më datë 27 nëntor 2023, firma “Blueprint Technologies” në pronësi të Gentian Gabës ka dorëzuar pranë KPP ankesën lidhur më tenderin në fjalë.
Sipas dokumentit të shqyrtuar rezulton se në tri pika ka probleme në raport me ligjin. Së pari, sipas ankimuesit, është e mjaftueshme që konkurrentet të paraqesin raportin e xhirove vjetore dhe jo bilancin financiar për tre vite e fundit duke përcaktuar edhe pikën e ligjit që e kundërshton.
Më tutje ankimuesi e konsideron të pamjaftueshme kohën prej 15 ditësh të vënë në dispozicion për dorëzimin e mallit. “Të gjithë artikujt objekt i këtij prokurimi janë mallra qe importohen nga furnitorët jashtë. Koha prej 15 Ditësh kalendarike është e pamjaftueshme për të porositur dhe lëvruar gjithë mallin. Duke patur parasysh sasinë e mallit që përbën rreth 12 Paleta, koha e nevojshme për transport është minimumi 2 javë. Duke shtuar dhe kohën për konfirmimin e porosisë me furnitorin 1-2 ditë punë, kohën e transfertës bankare 2-3 ditë punë, si dhe faktin që periudha e realizimit të kontratës përkon me sezonin e festiv të fundvitit (të gjithë furnitorët kane pushim javën e Krishtlindjeve) për këtë kontratë nevojiten minimalisht 30 ditë lëvrim”, sqaron ankimuesi.
Po ashtu, sipas ankuesit, edhe disa kritere të tjera duken sikur janë hartuar për një operatorët të posaçëm. Epo duke marrë parasysh faktin që është lënë në dispozicion një afat shumë i shkurtër nuk është çudi që Dredha ta ketë paracaktuar me kohë fituesin dhe ai i ka bërë gati mallin.
Kështu që Dredha ia jep kontratën mikut të tij dhe malli i shkon në kohë, duke e kamufluar në këtë mënyrë të gjithë abuzimin e bërë me një procedurë në dukje e rregullt.
Në fakt, biznesmenët duhet të ndërgjegjësohen që KPP kontrollohet nga qeveria dhe zakonisht bashkërendohet me zyrtarët për vendimet. Herë tjetër, kur ta ndjejnë pabarazinë, le ta denoncojnë Dredhën në SPAK.
Lexo edhe:Skema e Florian Gjergjit, “Ermal Dredha”, gjobë 35 mijë euro Geronit të “Brunes”
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Kryetari Bashkisë Vlorë, Ermal Dredha bën më shumë tendera për mirëqenien e tij se sa në interes të qytetarëve. Në këto muaj i ka ndryshuar mobiljet, ka blerë dhe riparuar makinat, ka siguruar karburant, ndërsa tani i duhen kompjuterë të rinj për zyrën.
Më datë 22 nëntor 2023, Dredha ka shpallur të hapur garën për tenderin me objekt “BLERJE PAJISJE ELEKTRONIKE”. Sipas dokumenteve paraprake do të blihen 45 kompjuterë të rinj, printer dhe skaner. Me pak fjalë Dredha dhe stafi i tij duan pajisje më të sofistikuara për të hartuar projekte si ky që po flasim. Kjo tekë e kryetarit kushton 60 milionë lekë (pa TVSH).
Gara është planifikuar të zhvillohet më datë 14 dhjetor 2023, pra të interesuarit kanë edhe 10 ditë kohë për të dorëzuar ofertat. Por, kjo qenka disi e pamundur, pasi hartimi i kritereve nuk lë vend për konkurrencë.
Të paktën kështu thuhet në një nga denoncimet e bëra në Komisionin e Prokurimeve Publike për këtë tender. Më datë 27 nëntor 2023, firma “Blueprint Technologies” në pronësi të Gentian Gabës ka dorëzuar pranë KPP ankesën lidhur më tenderin në fjalë.
Sipas dokumentit të shqyrtuar rezulton se në tri pika ka probleme në raport me ligjin. Së pari, sipas ankimuesit, është e mjaftueshme që konkurrentet të paraqesin raportin e xhirove vjetore dhe jo bilancin financiar për tre vite e fundit duke përcaktuar edhe pikën e ligjit që e kundërshton.
Më tutje ankimuesi e konsideron të pamjaftueshme kohën prej 15 ditësh të vënë në dispozicion për dorëzimin e mallit. “Të gjithë artikujt objekt i këtij prokurimi janë mallra qe importohen nga furnitorët jashtë. Koha prej 15 Ditësh kalendarike është e pamjaftueshme për të porositur dhe lëvruar gjithë mallin. Duke patur parasysh sasinë e mallit që përbën rreth 12 Paleta, koha e nevojshme për transport është minimumi 2 javë. Duke shtuar dhe kohën për konfirmimin e porosisë me furnitorin 1-2 ditë punë, kohën e transfertës bankare 2-3 ditë punë, si dhe faktin që periudha e realizimit të kontratës përkon me sezonin e festiv të fundvitit (të gjithë furnitorët kane pushim javën e Krishtlindjeve) për këtë kontratë nevojiten minimalisht 30 ditë lëvrim”, sqaron ankimuesi.
Po ashtu, sipas ankuesit, edhe disa kritere të tjera duken sikur janë hartuar për një operatorët të posaçëm. Epo duke marrë parasysh faktin që është lënë në dispozicion një afat shumë i shkurtër nuk është çudi që Dredha ta ketë paracaktuar me kohë fituesin dhe ai i ka bërë gati mallin.
Kështu që Dredha ia jep kontratën mikut të tij dhe malli i shkon në kohë, duke e kamufluar në këtë mënyrë të gjithë abuzimin e bërë me një procedurë në dukje e rregullt.
Në fakt, biznesmenët duhet të ndërgjegjësohen që KPP kontrollohet nga qeveria dhe zakonisht bashkërendohet me zyrtarët për vendimet. Herë tjetër, kur ta ndjejnë pabarazinë, le ta denoncojnë Dredhën në SPAK.
Lexo edhe:Skema e Florian Gjergjit, “Ermal Dredha”, gjobë 35 mijë euro Geronit të “Brunes”
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
