Një ngjarje e rëndë ka tronditur Italinë. Një 48 vjeçar ka vrarë familjen e vëllait mes të cilëve dy djemtë e tij të mitur. Fill pas kësaj ai ka tentuar që t’i japë fund edhe jetës së tij, por pa sukses.
Ngjarja ka ndodhur mbrëmjen e djeshme, kur 48-vjeçari Angelo Tardino, ka qëlluar vëllanë, kunatën dhe dy nipërit e tij përpara se të arratisej. Pasi mbërriti në apartamentin e tij mori menjëherë në telefon Policinë, e teksa fliste me ta në telefon qëlloi veten me armë.
Por u gjet ende me shenja jete, ndaj dhe u dërgua me urgjencë në spitalin në Caltanissetta, ku edhe ndodhet në gjendje të rëndë shëndetësore.
Paraprakisht dyshohet se përplasja mes tyre kishte nisur për ndarjen e disa tokave ku kultivojnë angjinare. Ndërkohë që hetimet kanë nisur dhe janë marrë përsipër nga prokurori i Agrigento Luigi Patronaggio.
