Të shtëna me armë janë regjistruar ditën e sotme në Kodër Balldre, në Lezhë. Raportohet se nga të shtënat ka mbetur i plagosur Hile Gjini, 43 vjeç.
Ngjarja ka ndodhur pranë shtëpisë së 43-vjeçarit, në momentin kur ka dalë nga banesa. Mësohet se në makinë ndodheshin edhe dy fëmijët kur është qëlluar në drejtim të tij.
Sipas banorëve, Gjini sapo kishte dalë nga shtëpia për të dërguar fëmijët në shkollë është përballur me një bashkë fshatar të tij, i cili e ka qëlluar me dy plumba në bark.
Hile Gjini ka qëndruar në automjetin e tij me fëmijët dhe bashkëshorten deri në momentin kur ka mbërritur policia dhe autoambulanca. I dëmtuari është dërguar në spitalin e Lezhës në gjendje të rëndë.
