Është nënshkruar sot marrëveshja nga Operatori i Sistemit të Transmetimit me bankën gjermane KfW për financimin e linjës së interkonjeksionit 400 kw me Maqedoninë.
Administratori i OST, Engjell Zeqo, tha se fillimi i ndërtimit të këtij projekti do të nisë vitin tjetër.
Gjithashtu ai theksoi se ky projekt është shumë i rëndësishëm për sektorin energjitik në vend dhe integrimin e sistemit energjitik me rajonin.
Ndërsa Ambasadorja e Gjermanisë në Shqipëri, Susanne Schütz, tha se investimet gjermane synojnë të rrisin mirëqënien në Shqipëri dhe të ulin emigrimin.
“Ky projekt ka shumë rendësi për sektorin energjitik në Shqipëri. Ne kemi investuar dhe do vijojmë mbështetjen për Shqipërinë” deklaroi ajo.
Kjo linjë e interkonjeksionit përfundon lidhjen energjitike të Shqipërisë me të gjithë vendet fqinje.
Projekti përfshin linjën me Maqedoninë dhe ndërtimin e dy stacioneve në Fier dhe Elbasan.
