35 vjeçari, i cili vrau babain e tij me sëpatë ka dhënë sot dëshminë në lidhje me ngjarjen.
Një ditë pas vrasjes, Arjan Shahaj ka pranuar autoresinë e krimit të rëndë dhe shpjegoi se e vrau të atin pasi ai e keqtrajtonte.
Në dëshminë e tij 35-vjeçari tha se e goditi qëlliminsht me sëpatë të atin pas dhunës që pretendonte se babai i moshuar ushtronte ndaj tij.
Arjan Shahaj, i cili vuan nga probleme të shendetit mendor që pas përfundimit të gjimnazit, e vrau të atin në një pyll të fshatit Shalës në Memaliaj ku kishin shkuar për të prerë dru.
35 vjeçari ka qenë i dënuar me 12 vjet burg për tentativë vrasjeje të bashkëfshatarit të tij, ngjarje e ndodhur në vitin 1998. Pasi kreu dënimin ai la qelinë e burgut 10 vite më parë, por edhe pas kësaj Arjan Shahaj nuk rreshti se kryeri krime në familjen e tij pasi tentoi të vriste të ëmën dhe pak kohë më vonë edhe një kushëririn e tij.
