Kryetari i PDIU-së Shpëtim Idrizi, ka marrë pjesë në 31-vjetorin e krijimit të Shoqatës Patriotike “Çamëria”.
Në fjalën e tij gjatë aktivitetit, Z.Idrizi është shprehur se “Çamëria” është e para Shoqate Patriotike, e krijuar në Shqipëri.
Gjithashtu, Idrizi nuk la pa përmendur edhe synimet dhe rrugën që do ndjek PDIU sot, ku një ndërto është edhe krijimi i një muzeu pranë varrezave monumentale në Kllogjer, ku prehen 2900 shqiptarë të Çamërisë.
“Ajo që na mungon ne si shqiptarë është që ne të bëhemi bashkë, pasi askush nuk ngriti zërin kur Greqia zgjeroi hartën e detit, ndërkohë që ministrat e kabinetit ishin në darkat e Nusretit. Ne na duhet Çameria, Kosova dhe Shqiperia e basdhkuar. Shoqata Çamëria ka bërë shumë edhe do vazhdojë të bëjë për Çështjen Çame. Kosova dhe Çamëria u sakrifikuan për këtë Shqipëri që ne kemi sot. Unë i bëjë thirrje gjithë shqiptarëve edhe mediave shqiptare që t’i japin kohën dhe vëmendjen e duhur Çështjes Çame. Ne kërkojmë një falje publike, por që kanë frikë ta bëjnë. Ne përveç varrezave monumentale, ku prehen 2900 shqiptarë të Çamërisë, do të ngrejmë një muze pranë varrezave të Kllogjerit, që çdo kush mund të shikojë historinë e shqiptarëve të Çamërisë. Ne gjithashtu do të riorganizojmë Shoqatën Çamëria, jam shumë i knaqur që këtë që po bëjmë tja transmetojmë brezave”, u shpreh Idrizi.
