Prokuroria Tiranë kërkoi dënimin për të pandehurit e skëmës mashtruese që sollën 25 milionë dollarë dëm ekonomik shtetit
Prokuroria e Tiranës kërkuar dënimin me 31 vjet burgim për 7 të pandehurit e skemës mashtruese të ‘Skrapit”. Ata akuzohen se i kanë shkaktuar shtetit një dëm ekonomik në vlerë 25 milionë dollarë. Të pandehurit akuzohen për veprën penale të “falsifikimit të vulave, të stampave osë të formularëve”, kryer në bashkëpunim.
Për shkak të numrit të madh të të pandehurve, procesi gjyqësor ndaj kësaj skeme është ndarë në disa pjesë. Në Mars 2015 ka përfunduar gjykimi, janë shpallur fajtorë dhe janë dënuar me një total prej 9 vitesh burgim 6 personat e parë. Në muajin Dhjetor 2015, gjykata ka dënuar grupin e dytë prej 10 personash, me një dënim në total prej 26 vitesh burgim. Ndërkohë, grupi i tretë i të pandehurve është në përfundim të gjykimit dhe, pak ditë më parë, Prokuroria e Tiranës kërkoi dënimin e tyre me një total prej 31 vitesh burgim. Po ashtu, Prokuroria e Tiranës kërkon dënimin me 10 milionë lekë për kompanitë e administruara nga këta persona.
