Një person tenton të hidhet nga një shtyllë e tensionit të lartë, në Tiranë. Bëhet fjalë për shtetasin Skënder Doda, i cili tenton t’i japë fund jetës në Lundër, me pretendimin se punimet në rrugë po i dëmtojnë tokën. Është pikërisht rruga e re që po bëhet në këtë zonë dhe që është pranë banesës së këtij shtetasi.
Policia ka shkuar në vendngjarje dhe po negocion për të zbritur nga shtylla Dodën.
Njoftimi i policisë:
Me datë 18.01.2018, rreth orës 13:10, në Sallën Operative ka ardhur një telefonatë se në Lundër, se një shtetas ka hipur në shtyllën e një tensioni të lartë dhe tenton të dëmtoje veten. Menjeher në vendngjarje kanë shkuar shërbimet e Policisë, Ambulanca dhe Zjarrëfiksja ku ka rezultuar se:
Në Lunder, pranë një qendre tregtare shtetasi S.D., ka hipur në shtyllën e tensionit të lartë dhe kërcenën se do të vetedëmtohet , pasi sipas tij ka rreshkitur toka dhe i ka dëmtuar shtëpine. Shërbimet e Policisë ndodhen në vendngjarje dhe po negociojnë për ta zbritur.
