Gjashtë persona janë plagosur në tre aksidente në Lushnje e Lezhë në orët e mbrëmjes së të hënës
Në aksin rrugor Pushim Shoferit-Krutje një makinë tip “Ford” ka përplasur nga pas një karrocë të ngarkuar me barë dhe ka përfundur në kanal. Si pasojë e këtij aksidenti ka mbetur i plagosur shtetasi Perikli Kadillari 47 vjeç.
Aksidenti tjetër ka ndodhur në autostradën Lushnjë-Fier, pranë fshatit Lumth. Një motorçiklet ku udhëtoni dy persona ka goditur shtetasin Aleks Allkanjari, 79 vjeç nga fshati Lumth duke i shkaktuar plagë të rënda.
Në superstradën Lezhë-Laç, në afërsi të fshatit Spiten dy drejtuesit e mjeteve kanë mbetur të plagosur pas përplasjes së dy automjetëve. Të lënduarit u dërguan me urgjencë në Spitalin rajonal të Lezhës ku ndodhen jashtë rrezikut për jetën.
