Agresioni rus në Ukrainë gjatë tetë ditëve, ka vrarë 28 fëmijë dhe 64 perosna janë plagosur, sipas një njoftimi të Daria Herasymchuk, një këshilltare e Presidentit të Ukrainës.
“Maternitetet, kopshtet dhe shkollat janë shkatërruar. Rreth një milion e gjysmë fëmijë ndodhen në zonat e prekura nga bombardimet dhe të rrethuara nga rusët, duke përfshirë jetimët dhe fëmijët me aftësi të kufizuara që kanë nevojë për ndihmë të menjëhershme” – tha ajo.
Kujtojmë se më 24 shkurt, presidenti rus Vladimir Putin i shpalli luftë Ukrainës dhe nisi një pushtim në shkallë të gjerë. Trupat ruse kanë shkatërruar infrastrukturën, duke bombarduar masivisht zonat e banuara. Vendi ka shpallur mobilizimin e përgjithshëm.
Ukraina gjithashtu ka ngritur një padi kundër Federatës Ruse në Gjykatën Penale të OKB-së në Hagë.
