Balkan Rivers Tour 2: Buldozerët kanë pushtuar parajsën, të mbështetur nga kryeministri Rama dhe qeveria. Keta njerëz të mëdhenj po shpërfillin rezistencën brenda Parkut Kombëtar të Valbonës, për orekset e tyre të mëdha me hidrocentrale të vegjël.
Thirrja: Lumi i Valbonës ka nevojë për ndihmën tuaj tani. Buldozierët po punojnë çdo ditë. Koha nuk është në anën tonë, ne duhet të veprojmë tani.
Ndërsa Tirana është pushtuar prej javësh nga Çadra e opozitës dhe e gjithë rrëmuja politike që i vjen vërdallë, Valbona vazhdon e shkatërrohet. S’ka mbetur askush ta mbrojë, veçse Amerikania e Alpeve, Catherine Bohne.
Mediat dhe shoqëria civile e kanë braktisur Valbonën duke e lënë në fatin e keq drejt shkatërrimit, fat i vendosur nga qeveria Berisha bashkë me qeverinë Rama.
Qeveritë shqiptarë kanë aftësi prej djalli për të shkatërruar gjithçka na ka falë Zoti në tokën tonë e po kaq të afta të betonizojnë gjithçka. Kësaj historie të tmerrshme të keqeverisjes nuk i ka shpëtuar Valbona. Megjithëse është shpallur një nga dhjetë vendet me të bukura natyrore në Botë, nga National Geographic, Valbona po shkatërrohet shumë shpejt.
I vetmi zë që vazhdon të buçasë është ai i Amerikanes së Alpeve, Catherine Bohne. Ajo nuk ka rreshtur në asnjë moment duke kërkuar mbështetjen e të gjithë aktorëve brenda dhe jashtë Shqipërisë për të ndalur shkatërrimin e Valbonës.
Qeveria Berisha firmosi në fund të mandatit të saj, koncesionet për ndërtimin e 11-të HEC-ve në Grykën e Valbonës. Kur u nënshkruan marrëveshjet me kompanitë që po ndërtojnë sot mbi Valbonë, Rama ishte në opozitë dhe asokohe premtoi se do të çbënte konçesionet për Valbonën e vende të tjera, ku shkatërrohen pasuritë natyrore shqiptare. E kundërta ndodhi, jo vetëm që nuk ndali koncesionet e dhëna nga Berisha, por firmosi edhe të tjera për ta çuar deri në fund shkatërrimin e Valbonës.
Në këto kushte, kur shqiptarët e kanë braktisur Valbonën, ka organizata ndërkombëtare që kanë nisur një fushatë sensibilimi në rrjetet sociale për të ndalur shkatërrimin e Valbonës. Një prej tyre është Balkan Rivers Tour, një projekt i kolektivit Leeway të Sllovenisë. Balkan Rivers Tour ka postuar një video mesazh në facebook, ku i kërkohet kryeministrit Rama dhe ministrit të linjës, Damian Gjiknuri, të ndalin ndërtimet në park. Videomesazhi është publikuar dy ditë më parë dhe brenda 24 orëve të para, videoja është shikuar mbi 27.000 herë dhe është shpërndarë në mbarë botën.
Në video kishte një mesazh të unifikuar: Indiferenca e qeverisë shqiptare ndaj shkatërrimit të vazhdueshëm të Parkut Kombëtar të Valbonës nuk është e pranueshme.
Mesazhi
Buldozierët pushtojnë parajsën. Mbështetur nga kryeministri aktual i Shqipërisë Edi Rama, vendimmarrësit po anashkalojnë ligjet dhe politikat, duke shkuar qartë drejt prerjes së pyllit përreth lumit e thyerjes së shkëmbenjëve me dinamit. Keta njerëz të mëdhenj po shpërfillin rezistencën brenda Parkut Kombëtar të Valbonës, për orekset e tyre të mëdha me hidrocentrale të vegjël. Ndaloni për një moment dhe mendoni sikut kjo të ndodhtë në oboret tuaja. Çfarë do të bënit? Nëse përgjigja është do të veproja, atëherë ngrijeni zërin tuaj. Së bashku duhet të jemi zëri i lumit. Tregoni Edi Ramës çfarë mendoni ju në Facebook dhe në Twitter. Jepni zë mendimit tuaj. Bëni presion mbi qeverinë shqiptare për të ndalur ndërtimin duke shpërndarë këtë postim e duke etiketuar @EdiRama dhe duke shkruar #MosMaPrekValbonen.
Lumi i Valbonës ka nevojë për ndihmën tuaj tani. Buldozierët po punojnë çdo ditë. Koha nuk është në anën tonë, në duhet të veprojmë tani.
