Forumi “Djemtë e Gjirokastrës” : “Vasili e Vangjeli” sot mbushën 25 vjeç
Nga Albi Koçi*
Nisur nga festimet e 25 vjetorit të organizatës OMONIA në Derviçan të Gjirokastrës, ne duam t’iu bëjmë një pyetje drejtuesve të saj: Çfarë keni bërë ju këto 25 vjet?
Ju themi ne se çfarë keni bërë këto 25 vjet ju drejtuesit e nderuar të Omonia-s…
Keni 25 vjet që kërkoni poste e karrike në nivel qendror e vendor, duke luajtur njëherë me Tiranën e njëherë me Athinën, njëherë me Partinë Demokratike e njëherë me Partinë Socialiste. Keni vjelur sa keni mundur në emër të përfaqësimit të minoritetit, lloj-lloj institucionesh, duke i shtrydhur dhe përdorur ato në kuptimin financiar dhe keni folur në emër të tyre për 25 vite për të arritur qëllimet tuaja shoviniste, të cilat datojnë që në 1914.
Jeni qarë si gratë e liga, herë në Athinë e herë në Bruksel, e herë deri lart në Uashington me mikun tuaj Nicolas Geixh, se gjoja shteti shqiptar ju përndjek, se ju mbroni helenizmin. Çfarë keni bërë ju për minoritarët grekë që banojnë në Dropull?
Asgjë!!!
Dhe ato përfitime materiale që ju jep shteti grek si detyrim kushtetues që ka për mbrojtjen e pakicave greke kudo që ndodhen, ju i mërmërisni në veshin e minoritetit të mirë grek, se gjoja ato vijnë nga puna juaj e palodhur, ndërkohë që ju veçse keni ngrohur e ftohur kolltuqet që keni marrë në emër të përfaqësimit të tyre. Ka 25 vjet që minoriteti përfaqësohet me Vasil e Vangjel, ndërkohë ka dhjetra të rinj e të reja minoritare të shkolluar në universitetet më të mira të Europës, të cilëve ju nuk u keni dhënë hapësira përfaqësimi.
Ata mijëra minoritarë që jetojnë në Shqipëri, vetëm Vangjeli e Vasili i përfaqëson? Apo Panajot Barka me shokë që nuk bëjnë gjë tjetër vetëm se nxisin urrejtje mes dy kombeve me prejardhje të njëjtë qysh nga lashtësia.
OMONIA dhe PBDNJ janë të vetmet organizata politike në botë, që numrin e votuesve të tyre e kanë sa 1/10 e numrit të vërtetë të minoritetit që gjoja përfaqësojnë. Keni 25 vjet që me dokumenta të blera me dhrami kallpe keni bërë Sulejmanët-Stefanë, Gjergjët-Jorgo dhe me përfitime financiare marramëndëse keni luajtur pistë me fenë ortodokse.
Tashmë i ngelet të rinjve e të rejave minoritarë, t’ju shporrin njëherë e mire, se nuk keni mërzitur vetëm popullin shqiptar, por dhe vetë minoritetin që ju gjasme përfaqësoni.
Nuk ju ngelet gjë tjetër veçse të largoheni vetë, se jeni bërë si kuçedra që zë burimin e ujit, të atij uji që rrjedh me shekuj vëllazërim mes dy popujve më të vjetër në Ballkan, atij shqiptar dhe grek. Çdokush ka të drejtë të festojë përvjetore, por ndërkohë që Omonia që përfaqëson qëllime shoviniste brenda kombit tonë kujton sot 25 vjetorin e krijimit, ndërsa në Greqi ende nuk lejohet krijimi i një partie shqiptare e as minoritet shqiptar nuk lejohet, kurse për shkollat shqipe nuk bëhet fjalë të çelen në Greqi.
Faji është më shumë i qeverive tona të korruptuara që nuk duan e nuk dinë të kërkojnë të drejtat e shqiptarëve jashtë kufirit.
Ndërkohë që brenda territorit tonë s’ka ngelur më pakicë pa u promovuar deri te minoritetet sllave…
Kjo është hipokrizia e kohës që jetojmë që dikur ishte tragjike dhe sot është komike.
Pse institucionet ligjzbatuese menjëherë ngrenë akuza në prokurori për patriotët shqiptarë, kur ata reagojnë si për shembull djemtë e Tepelenës në vitin 2008 dhe duke vazhduar me Ballist Morinën e me shumë të tjerë në Gjirokastër që duan t’i inkriminojnë dhe t’u privojnë lirinë me akuza të padrejta politike dhe hedhin baltë mbi moralin e tyre, nga persona të lidhur ngushtë me politikën, ndërsa pjesëtarë të Omonias në mes të ditës krijojnë skandal pas skandali e askush nga institucionet tona nuk i prek. Shpesh herë matrapazllëqet e tyre janë bërë me ndihmën e institucioneve shqiptare. Për 25 vjet janë bërë të paprekshëm nga ligji këta zabërhanë, stërnipër të andartëve Isisian të 1914 dhe 1945.
* Albi Koçi është përfaqësues i Forumit “Djemtë e Gjirokastrës”
