Një ngjarje e rëndë ka tronditur vendin ku pranë liqenit të Çekrezit në Tiranë dy të rinj janë gjetur të pajetë brenda makinës së fundosur.
Bëhet fjalë për shtetasit Erion Muça 22 vjeç dhe Dorina Gjokgjinaj 20 vjeç, të cilët dyshohet se janë banorë të zonës, megjithëse ende nuk është e konfirmuar.
Rasti u raportua në orën 8 të mëngjesit ndërsa pas disa orësh kërkime palombarët e RENEA-s arritën të nxirrnin trupat e pajetë të dy të rinjve. Policia ka vendosur një perimetër sigurie shumë larg zonës së liqenit, ku mediat e kanë të pamundur që të shkojnë.
Ndërkohë mësohet se familjarët kanë shkuar në vendngjarje.
