Një 18-vjeçare është dërguar në urgjencë pa shenja jete të dielën mbrëma në Kosovë. Sipas raportimeve, e reja u dërgua në gjendje të rëndë në urgjencë nga dy persona të cilët më pas u larguan.
Ndërkohë, ditën e sotme Prokuroria Themelore në Ferizaj ka bërë të ditur se një person është ndaluar lidhur me rastin, ndërsa një tjetër vijon të mbetet në arrati. Sipas prokurorisë, A.S dyshohet se ka kryer veprën penale “Vrasje e rëndë”, bashkë me të dyshuarin, D.K.
Po ashtu, Gazeta Express raporton se 18-vjeçarja është keqtrajtuar rëndë dhe si pasojë e lëndimeve të marra ka ndërruar jetë.
Rrethanat e ngjarjes nuk dihen.
