Deputetët e PS i kanë kërkuar qytetarëve një pjesëmarrje të lartë në zgjedhjet e 18 qershorit.
Drejtuesi i fushatës së PS-së në qarkun e Vlorës, Damian Gjiknuri gjatë takimeve të zhvilluara në Himarë dhe Lukovë, ka ftuar dhe emigrantët të bëhen pjesë e proçesit.
Gjiknuri theksoi se një pjesëmarrje e lartë në zgjedhje do ti japë qëndrueshmëri qeverisë.
Ndërkohë nga Gramsh, drejtuesi i PS-së për Qarkun e Elbasanit, Taulant Balla ftoi të rinjtë të votojnë PS, si alternativa që u ofron punësim e reforma.
Balla u tha të rinjve se në të mirë të tyre nevojiten reforma e punë, dhe jo tunele pafund si ai ku është zhytur PD me protestat e saj të dështuara.
