17 vjeçarja bën histori, skiatorja e parë shqiptare në Lojërat Olimpike (film)

0
200

Kiana Kryeziu zyrtarisht do ta përfaqësojë Kosovën në Lojërat Olimpike. Skiatorja e re ka fituar normën olimpike për të qenë pjesë e Lojërave Olimpike Pekini 2022. Ajo ka shkruar histori pasi është bërë skiatorja e parë që përfaqëson vendin në Lojërat Olimpike Dimërore.

Gjatë një interviste për emisionin “Abc-ja e mëngjesit”, Kiana tregoi për gazetarët në studio se ka nisur të merret me ski që në moshën 5 vjeçare por nisi angazhimin profesional kur ishte 10 vjeç. Ajo tha se Lojërat Olimpike kanë qenë synimi i saj.

“Nuk e kam parë si vështirësi por si kënaqësi. Unë në Kosovë nuk bëj ski se nuk ka kushte që t’i zhvillojmë ushtrimet. Stërvitem në akullnajat e Austrisë dhe ndonjëherë dhe në Itali.”, tha Kiana. Duke iu përgjigjur pyetjes së gazetarit Enkel Demi, se ku e shikon veten pas disa vitesh, ajo tha se synon Olimpiadën në vitin 2026. /abcnews.al