Bashkia e Tiranës ka njoftuar se më 17 qershor do të hapet segmenti i parë i Bulevardit të ri në kryeqytet.
Në mbledhjen e Këshillit bashkiak, kryetari i bashkisë, Erjon Veliaj njoftoj se në segmentin e dytë ne vazhdojmë të jemi një kantier.
“Hapja e segmentit të parë i mundëson që gjithë ato hapësira të lulishteve, të korsive të biçikletave dhe të vrapuesve të mund të aksesoren nga qytetarët, por mbi të gjitha të aksesoret parkingu nëntokësor nëpërmjet bulevardit, tek zona e Stacionit të Trenit e cila çliron dhe një pjesë të trafikut dhe problematikave në atë zonë.
Në datën 4 qershor ne do të hapim Parkun Olimpik të Tiranës. Në datën 10 qershor ne do të hapim sheshin “Skënderbej”. Pjesa qendrore e sheshit, ndërkohë që në 11 lulishte tematike do të vazhdojmë të punojmë plus edhe me disa projekte shtesë që do t’i bashkëngjiten sheshit, stacioni i autobusëve dhe gjëra të kësaj natyre. Por në datën 10 qershor pasdite ne do të bëjmë hapjen ceremoniale të sheshit “Skënderbej”, tha Veliaj.
