Si pasojë e pandemisë së koronavirusit, një nga sektoret më të prekur që ka patur një goditje shumë të madhe ka qënë dhe ai i transportit urban pasi ishte ndër të parët që u mbyll.
Kryetar i kësaj shoqate, Eneo Sulejmanaj në një intervistë të dhënë është shprehur se humbja gjatë kësaj kohe është rreth 15 milionë euro.
Sipas tij kur çdo gjë të rihapet, për rimëkëmbjen do të ketë dy opsione, ose qeveria të rishikojë dhe të ulë akcizën e naftës, ose çmimi i biletës do të rritet me 30%, ose ndryshe 12 lekë të reja.
“Në këto dy muaj që ka qenë i mbyllur shërbimi me përllogaritjet tona humbjet janë 15 milionë euro. Kemi propozuar që të ulet akciza e naftës, pra blerja e naftës pa akcizë për transportin urban, që të mos impaktohet drejtëpërdrejtë në rritjen e cmimit të biletave. Nëse qeveria nuk e merr parasysh zgjidhja do të jetë rritja e çmimit të biletave në masën 30%.
90% e punëtorëve nuk e kanë marrë pagën e luftës, arsyet janë të ndryshme”, u shpreh Sulejmanaj.
