Vijon të rritet ndjeshëm numri i rasteve pozitive me koronavirus në Shkodër.
Vetëm gjatë mbrëmjes së të enjtes në Shkodër u konfirmuan 12 raste të reja me koronavirus duke e çuar në 14 numrin total të të prekurve të zbuluar vetëm gjatë 24 orëve të fundit.
12 rastet e mbrëmjes së djeshme janë të afërm të dy rasteve të paradites, të cilat u konfirmuan edhe nga ISHP. Rastet e konfirmuara nga ISHP janë një burrë nga lagja Dobraç dhe një grua në lagjen Kiras.
Pritet dalja publike e Minsitrisë së Shëndetësisë për të konfirmuar rastet e reja në Shkodër duke e kthyer këtë rreth në një vatër të rrezikshme të infeksionit në vend.
