Gjatë 24 orëve të fundit autoritetet shëndetësore kanë njoftuar 1383 raste të reja të virusit të ri në Greqi.
Fatkeqësisht edhe 98 qytetarë të tjerë nuk kanë mundur ta fitojnë betejën me koronavirusin në shtetin grek, duke e çuar në 2902 numrin e viktimave që nga fillimi i pandemisë.
Mosha mesatare e qytetarëve që kanë vdekur është 79 vjeç dhe 96.1% kishin disa sëmundje bashkëshoqëruese.
Autoritetet njoftojnë se 594 pacientë janë të intubuar në spitale, ndërsa mosha e tyre mesatare është 65 vjeç.
