Pas 11 vrasjeve në Shkodër dhe asnjë të zbuluar nga policia, paraditen e sotme, ministri i Brendshëm Sandër Lleshaj prezantoi prefektin e ri Valdrin Pjetri.
Gjatë këtij prezantimit, ministri Lleshaj ka folur për sigurinë në Shkodër ku është shprehur se ky qytet është sfiduar disa herë nga krimi.
“Niveli i sigurisë në Shkodër është sfiduar disa herë nga goditjet e krimit. Ftoj qytetarët të bashkëpunojnë me Policinë për të goditur krimin e organizuar”, tha Lleshi.
Ditën e shtunë u ekzekutuan 2 vëllezërit, Astrit dhe Brahim Bilali. Pas kësaj ngjarje, ministri Lleshaj ka komunikuar shkarkimin e Drejtorit të Policisë së Shkodrës Vehbi Bushati, duke emëruar në këtë post Niko Brahimajn.
