Kryetari i Bashkisë së Tiranës, Erion Veliaj e ka quajtur një histori suksesi aplikacionin “Tirana ime”, ku brenda një viti kanë mberritur 11 mijë raportime nga qytetarët.
“Jemi të destinuar të jemi kreativë në përdorimin e mjeteve të tilla si “Tirana Ime”, si mënyrë efikase për të zgjidhur problematikat e qytetit. Kemi kaluar nga thjesht të qenit të zënë me punë, në të bërit punë konkrete, që i përgjigjen një nevoje konkrete dhe mandej të raportohet si një rezultat. Kemi pasur rreth 11 mijë raportime, nga të cilat 9 mijë janë zgjidhur ose janë në rrugë të zgjidhjes. Kurse, 2 mijë të tjera nuk kanë qenë pjesë e punës së bashkisë dhe janë referuar në agjenci të tjera. Besoj se kjo normë është një histori suksesi, e cila mund të pasurohet edhe me shërbime të tjera”, tha Veliaj.
Ai theksoi se për herë të parë në aplikacionin “Tirana Ime” është shtuar edhe opsioni i parkimit me SMS.
Kryebashkiaku i Tiranës tha se falë këtij aplikacioni dhe bashkëpunimit të qytetarëve që raportojnë, janë përmirësuar edhe infrastruktura edhe shërbimet.
