Në 105 vjetorin e Pavarësisë së Tiranës, kryebashkiaku Erion Veliaj ngriti për herë të parë flamurin kuq e zi në sheshin e ri “Skënderbej”, por nuk i kurseu disa mesazhe me vlerë.
Veliaj u shpreh se Tirana është kryeqytet i të gjithë shqiptarëve, ndërsa shtoi se në 28 dhe 29 do të ketë një sërë aktivitetesh.
“Dua të uroj të gjithë qytetarët e Tiranës festën e Pavarësisë. Tirana ka qenë gjithnjë avangard, e shpalli pavarësinë përpara zonës përreth, Durrësit e më pas Vlorës.
Shpresoj dhe besoj që Tirana të jetë kryeqyteti i shqiptarëve, që do të vijojë me entuziazëm e optimizëm dhe të ketë pavarësi edhe nga injoranca. Dua t’iu uroj festa të mbara të gjithëve. Gjatë të gjithë ditës do të përkujtojmë të parët tanë dhe të gjithë ata që kanë dhënë jetën për këtë tokë. Festime do vazhdojnë në 28 nëntor, po ashtu edhe nata e bardhë do të rikthehet në Tiranë” deklaroi Veliaj.
