Ministria e Brendshme Gjermane publikon shifrat e azilkërkuesve ku konstatohet një rritje e ndjeshme
Vetëm për muajin prill, 1 328 shqiptarë kanë kërkuar azil në Gjermani. Pavarësisht se Gjermania ka deklaruar disa herë që nuk do të ketë azil për shqiptarët, fluksi i azilkërkuesve nuk ndalet. Në raportin e fundit të publikuar nga ministria e Brendshme Gjermane rezulton se janë pranuar rreth 61 mijë aplikime kryesisht nga vende të konliktit.
Sipas të dhënave të raportit të ministrisë së Brendëshme gjermane kjo është një rritje prej 125 për qind krahasuar me periudhën e njëjtë të vitit të kaluar, por vetëm 1.6 për qind me e lartë se ajo e muajit mars. Rreth 1.1 milionë emigrantë arritën në Gjermani vitin e kaluar dhe ndonjëherë kalojnë muaj të tërë përpara se ata të aplikojnë zyrtarisht për azil. Numrin më të lartë të azilkërkuesve e mbajnë sirianët, ndjekur nga irakenët dhe afganët.
