Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Nëna e Bleona Matës: Shpresoj që Britania të më sjellë gëzimin e madh

Nga Media 0

Kanë kaluar 9 vite nga humbja e Bleona Matës. Ajo sot është 16 vjeçe dhe ende nuk dihet fati i saj.

Por publikimi i një imazhi sesi mund të jetë tani Belona dhe lajmi se Britania do të nisë kërkimet shtuan shpresat e nënës së saj për gjetjen e vajzës.

Bukurie Mata: “Shpresa vdes e fundit. Mezi pres të kthehet në krahët e mi dhe të vëllait të saj. Ai është shumë i prekur nga ngjarja sepse ishin si binjakë, kishin vetëm 1.5 vite diferencë dhe në momentin që e rrëmbyen Bleonën e morën nga krahët e të vëllait, ishin të dy së bashku. Të dy janë të rritur tani, dua të përqafojnë njëri-tjetrin. Shpresoj që Britania e Madhe të na sjellë gëzimin e madh e të presim Bleonën, ta marrim në krahët tonë. Boll kemi vuajtur 9 vite.”

Bukurie Mata tha se Identikiti ishte shumë i ngjashëm me Bleonën.

Bukurie Mata: “Ka shumë ngjashmëri. Por të marrësh foton time është e njëjta me Bleonën. Kemi ngjashmëri, tek sytë, tek flokët, tek balli. Me këtë foto kam besim të madh që mund të na kthehet vajza. Kur e pashë sikur e kam rritur unë, sikur e kam pasur në krahët e mi, sikur po e ledhatoj.”

Ajo shtoi shteti shqiptar nuk ekziston pasi sipas saj kriminelet janë ende të lira ndërsa Bleona vazhdon të jetë e zhdukur.

Bukurie Mata: “Shtet nuk ka tek ne përderisa 5 vajzat e tjera janë të lira. Ky shtet është zero. Kriminelet rrinë të lira dhe vajza ime prej 9 vitesh është zhdukur është e paimagjinueshme.”

Në bashkëpunim me familjarët e saj, me fotot e vjetra ekspertët ndërkombëtarë amerikanë në bashkëpunim me alo 116, linja kombëtare e Këshillimit për fëmijët realizuan këtë identikit të Bleonës, e cila u zhduk më 22 maj të vitit 2010 teksa kulloste bagëtitë në malin e fshatit Zapod, të Kukësit, shumë pranë banesës së saj së bashku me 5 vajza të tjera./Oranews

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej