Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Ikën çafka e përhime, edhe kali i qyqes mes shpendëve të rrezikuar në Luginën e Drinos

Nga Klodiana 0

Shpendët e fundit shtegtarë janë duke braktisur Luginën e Drinos në Gjirokastër, për t’u rikthyer në pranverë.

Çafkat e përhime duket se do të largohen të fundit, pasi ndeshen ende atje ku rrjedhat kanë më shumë ujë. Këtë vit, tregojnë specialistët e zonave të mbrojtura, i gjithë qarku, por sidomos Lugina e Drinos, regjistroi një rritje të lehtë të numrit të kafshëve dhe shpendëve.

Megjithatë, llojet që janë pjesë e librit të kuq të faunës së rrezikuar vijuan të ishin të kërcënuara seriozisht me zhdukje edhe këtë verë. Çiftet e fundit të kalit të qyqes të mbetura u larguan në shtegtim pak ditë më parë. Kërcënim për shpendin e rrallë ishte helmi i barinjve në përpjekje për të eleminuar ujkun.

Dy stacione të ushqimit për këtë shpend janë ngritur në Dropull dhe në Nivicë, si një mundësi shpëtimi për ekzemplarët e mbetur.

Lugina e Lumit Drino është gjithashtu zona më e madhe në Europë e skifterit kthetraverdhë, me rreth 6000 ekzemplarë në këtë territor. Specialistët thonë se territori ka qenë i mbikqyrur vazhdimisht për të mbrojtur sidomos foletë e ndërtuara mbi pemë.

Edhe lejleku e ka reduktuar praninë e tij në luginë. Çifti i vetëm i lejlekëve e kaloi stinën e nxehtë pranë Liqenit të Viroit.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej