Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Ekspozitë me piktura nga nxënësit e artit të World Academy of Tirana (foto)

Nga Klodiana 0

Përfundimi i gjimnazit është një përvojë emocionuese. Marrja e diplomes simbolizon manifestimin e përpjekjeve të tre viteve të gjata dhe intensive. Veçanërisht e këndshme është kjo ndjesi për nxënësit e artit të World Academy of  Tirana.

Gjith secilit i pëlqente merret me një formë arti, por grupit të artit të vitit të tretë të kësaj shkolle i është dhënë mundësia t’a kultivojnë  këtë  dashuri për të bukurën. Gjatë dy viteve të fundit të gjimnazit, Nikol Kaso, Daniela Kociraj, Patrik Hoxha dhe Gisela Meça, nën udhëzimet e profesor Ervin Dautit, kanë zhvilluar aftesitë e tyre në fushën e artit pamor. Veprat e ndryshme të realizuarë në forma klasikes ia fresku, vitrazhi, mozaiku, deri tek format e pop-artit instalacioni dekorojnë këtë të premte muret e Qëndrës Rinore të Tiranës.

Nxenësit e shkolles World Academy of Tirana janë nje grup aktiv dhe i njohur për publikun e Qendrës Rinore të Tiranës. Ata  me sukses kanë realizuar aktivitet e të tjera si Ekspozita ‘Vitit I Skënderbeut’, Ekspozita ‘Dita e Evropës’,  Ekspozita ‘Identitet’ nëpërmjet të cilave kanë patur si qëllim të prezantojnë tek publiku arritjet e tyre në Lëndën e Artit Pamor dhe duke pasuruar jetën artistike të qytetit të Tiranës.

Audienca ka patur mundësin të shoh idetë dhe këndveshtirmet e ndryshme të nxënësve të realizuara me mjeshtëri në teknikat e ndryshme. Tematikat kanë qenë nga më të ndryshmet, të frymëzuara nga mendimet e përditshme të nxënësve dhe shqetësime aktuale të shoqërisë. Me veprat e tyre nxënësit kanë sfiduar stereotipet gjinore, kanë transfromuar objekte të thjeshta për të mbartur simbolika të ndërlikuara, kanë provokuar emocione dhe na kanë ofruar një dritare për të parë botën e tyre të brendshme.

“Speculum Speculum ishte njëkohesisht puna e parë dhe e fundit e ciklit Mardi Gas.” thotë Gisela Meça.

“Maska vetë ishte më e veshtirë për tu gjetur se gjilpera në kashtë, derisa më në fund një shitës i Pazarit të Vjetër në Krujë na ofroi këtë ‘relike’ të çmuar. Maska në ekspozitë është një ‘dhuratë’ nga Lufta e Dytë Botërore, një gjurmë e pushtimit italian e trojeve shqiptare. Tani më vjen e dekoruar me motive karnavalesh. Qesharake, apo jo? Ky ishte dhe qëllimi i vetë veprës. Realiteti i trishtë i fshehjes së vetes nga bota na bën qesharake. Kjo reflektohet në disa punë, por këtu situata bëhet më e prekshme. E kthyer me kurriz, nuk mund të ballafaqohet maska me ne, por mund ta shohim fytyrën tonë së bashku me jo një, por tre maska të ndryshme. Nëse tensioni te veprat e tjera përçohet mes ngjyrave apo formave, këtu situata ndizet nga përfshirja e audiencës me punët. E frikshme, e kanë cilësuar disa. Realiste, do ta cilësoja unë, pasi kjo është situatë ku jetojmë: shpesh kemi frikë të ballafaqohemi me çfarë kemi krijuar, me njerëzit me të cilët bashkëveprojmë, si dhëmbi të gjitha me atë që ne jemi. Nese keni guxim, hiqeni maskën dhe tregojini botës esencën tuaj të vërtetë.”

Patrik Hoxha  ka  zgjedhur të  krijoj një  seri punimesh me fokus tek pervojat e ndryshme emocionale. I influencuar nga instalacioni ‘Reja’, vepër e artistit Sou Fujimoto, ai ka realizuar instalacionin ‘Dallget’, e ideuar si një skulpturë në park. Tonalitetet e ngjyrës blu, format organike që imitojnë valëzimet, dhe transparenca e xhamit kanë për qëllim ta përfshijnë audiencën e atmosferën e detit dhe të shkaktojnë emocione të ndryshme bazuar në përvojat personale. Motivin e dallgëve, Patriku e transferon edhe në materialet e tjera duke dizenjuar çantarrobe apo duke e bërë pjesë të pikturave murale.

E influencuar nga artistja  Frida Kahlo, nxënësja Nikol Kaso ka realizuar një seri punimesh të cilat vënë në dukje fenomene shoqërore që lidhen me stereotipet, barazinë gjinore dhe idenitetin. Në fokus është figura e femrës dhe kryesisht elementet e përdorur janë simbolika që e përforcojnë edhe  më shumë levizjen feministe Brenda kësaj serie punimesh.

Daniela Kocira është prezantuar me një seri punimesh të fokusuara tek ëndrrat. Shpërndarja e punve fillon me një kompozim në tonalitete të errata ku dominon ngjyra e zezë dhe mbyllet me një kompozim ku dominon e bardha. Në fakt I gjithë kontrasti I krijuar nga përdorimi ngjyrave dhe simbolika vënë këto dy punë është një kornizë e pandjeshme për audiencën. Ngjyrat neutral të përdoruara në 12-të punimet e tjera ndërmjetëse, përsëritja harmonike e elementeve pamor dhe formati i përdorur e bëjnë eksperiencën e audiencës teje të ëndërrimtare.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej