Me përfundimin e mandatit të Prokurorit të Përgjithshëm, Adriatik Llalla, kanë filluar edhe kandidaturat për postin e kryeprokurorit të përkohshëm. Një nga emrat e përfolur si kandidate për këtë detyrë, është edhe Arta Marku, prokurore në rrethin e Shkodrës.
Burimet thanë për “BalkanWeb” se 41-vjeçarja Arta Marku është propozim i kreut të Komisionit Parlamentar të Ligjeve, Ulsi Manja.
Gjithashtu, Marku garon edhe për Këshillin e Lartë të Prokurorisë.
Mësohet se bashkëshorti i saj punon si Oficer i Policisë Gjyqësore (OPGJ) për qarkun Lezhë, Shkodër dhe Kukës.
Vetë Marku përgjatë karrierës së saj 15-vjeçare në Prokurorinë e Shkodrës, nuk ka hetuar asnjë dosje të rëndësishme.
Deri më tani janë përfolur si kandidatë edhe prokurorët Ferdinand Elezi dhe Xhemal Saliaj.
Mazhoranca ka bërë të ditur se gara është e hapur deri të martën në orën 18:00.
http://www.balkanweb.com/site/zyrtarizohet-kandidatura-e-dyte-per-kryeprokurorin-e-perkohshem-emri/
