Zv/ndihmës sekretari amerikan në Maqedoni: Zgjidhja e vetme e krizës është formimi i qeverisë

Pas takimeve me kryetarin e ri të Kuvendit, Talat Xhaferi dhe presidentin Gorge Ivanov, zv/ndihmës sekretari amerikan i shtetit për Evropën dhe Euroazinë, Hojt Brajan Ji, deklaroi se SHBA-të janë të gatshme të japin kontributin e tyre për formimin e Qeverisë së re dhe se nuk shohin asnjë pengesë që ajo të mos formohet.

“Besoj se është shumë me rëndësi për liderët politik që të gjejnë zgjidhje për krizën poltiike. Të gjejnë mënyrë që të lejojnë që shumica parlamentare të formojë Qeveria dhe program qeveritar. E dimë se ka shqetësime rreth programit qeveritar, por për atë duhet të debatohet dhe të votohet në Kuvend, jo jashtë. Zgjidhja e vetme e krizës është formimi i Qeverisë. Nuk shohim arsye që shumica parlamentare të mos fitojë shansë për formimin e Qeverisë. Vendi duhet të rimëkëmbet për të mirën e të gjithëve. Është koha që kriza të mbarojë”, tha Hojt Ji.

“Më alarmues nga të gjitha ndodhitë është incidenti në Parlamend javën e kaluar kur pjesëtarë të parlamentit në mënyrë të dhunshme dhe frikacake u sulmuan. Inkurajojmë institucionet që të hetojnë dhe ndëshkojnë ata që i bënë këto vepra”, tha Ji.