Kriza politike në vend po tërheq çdo ditë e më shumë vëmendjen e ndërkombëtarëve.
Ndonëse edhe katër ditë na ndajnë nga 30 qershori, ditë kur Kryeministri Rama shprehet i bindur për zhvillimin e zgjedhjeve vendore, senatori italian Manuel Vescovi i bën thirrje palëve politike që të ketë reflektim mbi situatën e paqëndrueshme në të cilën po kalon Shqipëria.
Senatori, njëkohësisht edhe zëvendëspresidentit të delegacionit italian të Këshillit të Evropës thekson qëndrimin e presidentit Meta, për anullimin e zgjedhjeve të 30 qershorit në një klimë të papërshtatshme politike.
Vescovi ka deklaruar se mungesa e stabilitetit institucional që Shqipëria për përjeton është arsyeja pse Këshilli i Evropës vendosi që të mos dërgojë vëzhgues elektorale për zgjedhjet vendore.
“Këshilli i Evropës vendosi që nuk do të dërgojë vëzhgues elektorale për zgjedhjet e ardhshme administrative për shkak të mungesës së stabilitetit institucional që Shqipëria për përjeton.
Presidenti i Republikës së Shqipërisë, Ilir Meta ka deklaruar, sa i përket përgjegjësisë institucionale se dëshiron që të evitojë zhvillimin e zgjedhjeve elektorale në një klimë tensioni të madhe dhe në mungesë të Gjykatës Kushtetuese që aktualisht nuk mund të ushtrojë funksionet e saj, duke qenë se tetë nga nënë anëtarët e saj kanë dhënë dorëheqjen ose janë hequr gjatë kohës së procesit të rivlerësimit të gjykatësve të parashikuar nga reforma gjyqësore.
Uroj një moment reflektimi të madh mes partive politike, duke kujtuar se nuk ekziston demokraci pa një organ konstitucional operativ e me një parlament ku mungon opozita”, ishte qëndrimi i senatorit italian.
