Zv/ministrja e Brendshme, Rovena Voda e ftuar në studion e Enkel Demit, “Abc-ja e mëngjesit”, ka thënë se edhe shtëpia e saj ku ajo jetonte bashkë me familjen është shembur pas termetit tragjik të 26 Nëntorit.
Ajo është vetë qytetare e Durrësit dhe nuk jeton më në banesën e saj në Durrës pasi është shkatërruar plotësisht. Voda tani jeton në Tiranë jeton me qera duke bërë të njëjtën pritje.
“Shtëpia është prishur, pasi ka mbetur vetëm struktura. Pallati ku kam jetuar është DS4, dëmtim i rëndë nga kati parë deri në katin e tret. Jemi nëntë familje të cilat duhet të aplikojnë për këtë projektin e detajuar me inxhinier, por që nuk mund të banohet pa u riparuar më parë. Është i pabanueshëm.”
