Mal i Zi i ka ndaluar hyrjen zëvendëskryeministrit rus, Dmitry Rogozin.
Ministria e Jashtme malazeze ka njoftuar sot se Rogozin është në mesin e 50 politikanëve dhe biznesmenëve rusë, të cilët e kanë të ndaluar që të hyjnë në Malin e Zi.
Mali i zi, i cili është duke kërkuar anëtarësimin në Bashkimin Evropian dhe në NATO, ka miratuar sanksione perëndimore kundër Rusisë për shkak të rolit të saj në krizën në Ukrainë.
Ministria e Jashtme tha se Milani Knezevic, udhëheqës i partisë pro-ruse, Partia Demokratike Popullore, e kishte ftuar zëvendëskryeministrin rus pa u konsultuar me autoritetet e Malit të Zi.
