Këtë të dielë, Princesha Mary dhe Princi Frederik i Danimarkës filluan turneun e tyre pesë-ditorë në Arabinë Saudite. Fotot tregojnë princeshën me origjinë australiane dhe burrin e saj me familjen mbretërore saudite dhe takimin e tyre me mbretin Salman bin Abdulaziz në Pallatin Mbretëror. Princesha 44-vjeçare nuk është e mbuluar për këtë rast me shami në kokë, por me një veshje të thjeshtë ajo është e lirshme në pantallona të zeza dhe një shall të butë rozë mëndafshi Dolce & Gabbana në qafë. Këtë shall mendohej që duhej ta vinte mbi flokë si respekt për kulturën arabe të mbulimit të grave por ajo ka zgjedhur të mos e bëjë këtë.
Dhe nuk është e vetmja grua perëndimore që ka zgjedhur të mbrojë kulturën e saj gjatë një vizite të tillë zyrtare. Këtë gjë e bëri dhe zonja e parë e SHBA-së Michelle Obama gjatë vizitës me bashkëshortin e saj Barack Obama gjatë vizitën në vitin 2015. Ajo u kritikua se nuk kishte respektuar kulturën vendase.
Hillary Clinton në dy vizita në kohë të ndryshme shfaqet ndryshe. Në vitin 2009 pa shami dhe në vitin 2012 me shami në kokë. Respektimin e kulturës arabe e ka shfaqur me shami në kokë Dukesha angleze Kate Middleton dhe Dukesha Camilla.
